2007年11月30日星期五

手信

想問1問大家~~~
如果你回母校探望老師,你會帶甚麼手信呢?

前兩天,去年6B班有2個女生回來探老師,
你猜她們帶了甚麼送給老師呢?

2007年11月29日星期四

友情祝賀


出生只有2天的小寶寶,活潑可愛!
祝小寶寶~~快高長大,聽教聽話!

2007年11月28日星期三

NDSL



面世多時,最近kinki從日本給老師帶回來,
第1個遊戲,也是友達從日本給老師帶回來。

老師正式擁有它!但可惜沒太多時間玩耶~~~~

2007年11月27日星期二

11月27日

如果今天是12月27日,

那實在太好..太好..太好..太好....

2007年11月26日星期一

高興背後

我的學校在沙田,而且附近也有些新界原居民的圍村落。
今天一早,附近的謝姓屋村又打鑼,又打鼓,兼燒炮竹!
聽聞更有大花轎在山頭大搖大擺!

根據本校一名謝姓學生講述:今日是他堂哥結婚。
哇!有無咁誇張,燒炮竹足足燒了成個上午,
打鑼打鼓兼舞獅都敲了不知幾次!

高興背後,有無想過我地會嘈到上唔到課呀?
放學時,更少有地泊了輛警車在路口,
人地放成日炮竹,警察叔叔就唔理,
校車停車接學生放學就話會抄牌,咩道理呀!

2007年11月24日星期六

我也豐盛的一天

今天一早回教院上課,有點浪費時間感覺!
可是,教院風景很不錯!



提早離開教院,
跟意粉往金鐘會合團友,在萬豪酒店吃下午茶,
食品味道很不錯,吃得還很飽飽!





多謝意粉帶來手信!

2007年11月21日星期三

浩然回來了!

這個星期,浩然爸爸工幹去,
所以,這幾天老師1放學就幹著帶浩然周圍玩!

奧海城、又一城、海港城、太空館......
比返工還要忙呢!




2007年11月18日星期日

再下一城

今日繼續参加另一區際舞蹈比賽。
仍然在毫無備戰之下,學生們又勇奪季軍!



若果校長因我替校獲獎,而獎我放假2天,就好啦!

你投了票嗎?



最近,我區的候選人,有少許糾紛發生,一片喧鬧聲中,
今晚,老師回家前,盡了公民的責任,投了神聖的一票!

2007年11月17日星期六

先拔頭籌

11月開始,各區舞蹈比賽、校際舞蹈比賽....陸續舉行。
今日是本年度首個參加的舞蹈比賽。

學生們竟然先拔頭籌得了----金獎!
老師看見了賽果,第1句話~~~唔係化~~~^O^



明天仍要繼續另一個區際舞蹈比賽,學生們,加油啊!

2007年11月14日星期三

巴士肥仔

話說~~~昨晚約了冬日團友在尖沙咀吃飯,
放學後,先回家一趟,才施施然赴約!

從屋企往尖沙咀只有4個站,
所以跳上巴士後,便坐在下車門旁座位。
當車子駛開渡船街車站時,
看見1個身穿校服的肥仔,
企在上上層樓梯中間,過了2站也呆呆企著。

好奇的老師也望了他好幾眼,
心想:「肥仔,未企樓梯啦!」
起初,那肥仔刻意逃避老師兇狠的目光,
「好叻咩!撻落嚟,我實唔扶你呀!」

車子駛到北京道1號附近時,
老師發現有怪聲「s...s...」
左望右望,樓上肥仔........
肥仔細聲:「唔該........」
未玩呀!叫我!????

老師走上幾級樓梯,問肥仔:「攪咩你呀?」
肥仔更細聲:「我........」,1隻右手指住扶手。
老師:「咩呀?」
肥仔1隻右手仍然指住扶手。
老師心想:「又玩嘢呀?」
肥仔更細聲:「我..我...攝住隻手臂呀!...」
老師:「哇!唔係化~~~~」「大力D抽隻手出嚟啦!」
肥仔:「唔得呀!好痛呀!」

老師都幫佢唔到,只好搵司機,
那時車子駛到半島酒店燈位,
司機上前睇個肥仔,叫佢未郁,快埋站再算!

當車子轉入尖東站時,那肥仔竟然可走下來,
司機問他你自已攪掂隻手呀!
肥仔:「忍住痛呀!鑑硬抽隻手出嚟!」

下車時,老師都罵了肥仔:「下次未貪玩啦~~~」

2007年11月12日星期一

團友例會

今晚相約了冬日團友,地點依舊万豚屋。
店鋪6:15pm晚市開門,門前早已有人龍出現。

我們點了以下食品~~




評價:一致認為不會特地再來吃~~ >_<
實在絡繹不絕等位,我們只好轉戰史路比。





地方大得很,而且不是太多人,
躺在沙發,一面呷著香濃又暖暖的朱古力,
一面替【問題】團友解答1個又1個問題。
團友收獲滿載而回~~~~

2007年11月11日星期日

台灣回家的新書

今日從台灣回家的新書2本~~



1.高木直子【一個人去旅行~~一年級生】
直子一人周遊四海,開始時心情緊張,而且有很多惹笑事!
令我想起自已一個人去旅行時,也有這些烏龍事發生!

2.おりがみブック
一本かわいい書,因為割價便購入,今晚弄了這個kitty!

2007年11月7日星期三

啊!太感動啦!



又1城GAME鋪話:我地唔會入呢D貨喎!
そごう6樓櫥窗:$399不二價喎!

嘻嘻~~~
今日,老師又可証明---朋友的可貴!謝謝!

2007年11月6日星期二

銅鑼灣

今日放學後匆匆去了銅鑼灣,
目的是為了公事去這地方~~~



裏面有個自家製博物館,
不但地方細,而且陰深可怖!>_<
老師不敢走進,草草拍了幾張相就走了!

之後,走經【丹麥餅店】吃了美味的熱狗!

2007年11月4日星期日

去年今日

去年今日,

老師偶然地遇上了你們!

這1年間,

令老師的生活更歡樂、

更豐盛、更多姿多釆!

老師好幸運,好幸福啊!

2007年11月3日星期六

1103



這間樓上韓國料理,老師由98號走至408號,
足足走了4,5,6....條街,好可惡呀!>_<
走進店內,老師是今日第1個客人!可惜沒有禮物呢!



經過大家一輪七嘴八舌點菜後,我們正式開動啦~~~
餸菜味道也不錯,吃法也很特別,
首選海鮮鍋,味道不太辣,很有海鮮味!






每次飯聚不可缺少~~啤酒
韓國啤酒未嚐過,味道也不錯!

大家又暢談5小時,才肯回家去~~
謝謝wordy及小妹手信,劉鄧太陽餅 ^O^